Ծրագրի նկարագրությունը
«Մխիթար Սեբաստացի» կրթահամալիրը՝ որպես հեղինակային (պետական այլընտրանքային) կրթական ծրագրի ստեղծող ու իրագործող, կրտսեր դպրոցի 1-3-րդ դասարաններում իրականացնում է «Իմացումի հրճվանք» կրթական ծրագիրը, որն ինտեգրված, նախագծային ուսուցում է։ «Իմացումի հրճվանք» ծրագիրը (այսուհետ՝ Ծրագիր) կրթահամալիրում իրականացվող «Ստեղծողի մոբիլ դպրոց» պետական հեղինակային (այլընտրանքային կրթական) ծրագիրն է:
Ծրագրի հիմքում ընկած են Հանրակրթության պետական չափորոշիչները, կրթահամալիրի կանոնադրությունը, զարգացման ծրագիրը, հեղինակային կրթական ծրագրի հիմնադրույթները, որպես կազմակերպիչ՝ ուսումնական օրացույցը, լաբորատորիայի օրացույցը։
Ծրագիրն իրականացնում է դպրոցականի (այսուհետև՝ սովորող) ուսուցում նրա տարիքային առանձնահատկություններին համապատասխան պայմաններում, միջավայրում, համապատասխան բովանդակությամբ և գործունեություններով՝ ապահովելով սովորողի ուսումնառության բնականոն ընթացքը՝ նրա անհատական զարգացման առանձնահատկություններին համապատասխան։
Ծրագրի նպատակները և խնդիրերը
Ծրագրի նպատակը ստեղծող, անընդհատ կրթվող և ինքնակրթվող, ինքնուրույն, սոցիալապես ակտիվ անհատի ձևավորումն է: Ծրագիրն ապահովում է սովորողի անհատական կրթության իրավունքը, կրթության շարունակականությունն ու անընդհատությունը, նրա ինքնուրույնության, ինքնաբուխ, անվտանգ գործունեության, հիգիենիկ հմտությունների, ստեղծականության զարգացումը:
Ծրագիրն իրականացվում է ուսումնական և հասարակական նախագծերի, ստուգատեսների ծեսերի, ուսումնական ճամփորդությունների, ուսումնահետազոտական ճամբարների միջոցով՝ կրթահամալիրի ուսումնական օրացույցի հիման վրա:
Ուսումնական գործընթացը կազմակերպվում է դասարանի ուսումնական օրացույցով, որը դպրոցի օրացույցի հավելվածն է՝ կրթահամալիրային, դպրոցական, խմբային, ընտանեկան, անհատական ուսումնական նախագծերով։
Ծրագիրն ապահովում է՝
- պետական կրթական չափորոշիչի՝ կրտսեր դպրոցին ներկայացվող պահանջները,
- սովորողի անհատական կրթության իրավունքը,
- կրթության անընդհատությունը,
- հեղինակային կրթական ծրագրի հիմնադրույթների իրագործումը։
Կրթահամալիրում գործում են չորս դպրոց-պարտեզներ (այսուհետ՝ դպրոց)՝
Արևելյան դպրոց- պարտեզ
Արևմտյան դպրոց- պարտեզ
Հյուսիսային դպրոց- պարտեզ
Հարավային դպրոց- պարտեզ
Ուսումնական գործունեության կազմակերպումը
Ծրագրի գործունեությունը կազմակերպվում է դասարանի ուսումնական օրացույցով, որը դպրոցի օրացույցի հավելվածն է՝ կրթահամալիրի, ծրագրի լաբորատորիայի, խմբային, ընտանեկան, անհատական ուսումնական նախագծերով։
Սահմանված կարգով իրականացվող ուսումնական ճամփորդությունները ուսուցման և զարգացման բաղկացուցիչն են:
Ուսումնական գործունեությունը կազմակերպվում է ըստ կարգի՝ կրթահամալիրի, լաբորատորիայի, դասարանական ուսումնական օրացույցներով, որոնցով որոշվում են ուսումնական նախագծերը, ստուգատեսները, ծեսերը, տոները: Դասվարի բլոգը, մեդիագրադարանը, «Պարտեզ», «Բզեզ» ուսումնական կայքերն ապահովում են անհրաժեշտ ուսումնական նյութերով, միջոցներով: Լաբորատորիայի, դասվարի բլոգները, դպրոցների ենթակայքերը, կրթահամալիրի կայքը հասանելի են դարձնում սովորողի ուսումնական գործունեության արդյունքները՝ մեդիանյութերը, հաշվետվությունները:
Ուսուցման կազմակերպման ձևերը տարբեր են։ Առկա ուսուցման ձևից ահմանված կարգով իրականացվում է նաև անցում հեռավար, ընտանեկան-առցանց-ինքնակրթության, համակցված ձևերին։
Մեդիան՝ իր գործիքներով (նոթբուք-նեթբուք, պլանշետ, համացանց և այլն) և հնարավորություններով, ապահովում է սովորողի համակողմանի զարգացումը՝ կատարելագործելով և հարստացնելով ձեռք բերած հմտություններն ու գիտելիքները:
Կրթական ծրագիրն ապահովում է սովորողի ամբողջական ներառումը: Սովորողի ուսուցումը կազմակերպվում է նաև տանը ընտանեկան ամենամսյա ֆլեշմոբների միջոցով, նախագծային ուսուցմամբ։
ՏՀՏ հմտությունները ձեռք են բերվում ուսումնառության ընթացքում, շուրջտարյա: Սովորողները թե՛ տանը, թե՛ դպրոցում ունեն համակարգիչ (նեթբուք-նոթբուք), ուսումնական գործունեության ընթացքում յուրացնում են Paint նկարչական խմբագրի, PowerPoint ծրագրի, MS Word տեքստային խմբագրի հիմնական գործիքները: Կիրառում են ֆոտոխցիկ, հեռախոս: Դասարանական ռադիո և TV նախագծերը սովորողների խոսքի զարգացումն ապահովող, ինքնարտահայտվելու ցանկությունը խթանող ձևերից են:
Դասավանդողի բլոգին, դպրոցի, կրթահամալիրի կայքերին հետևելը և դրանց աշխատանքին մասնակցելը, էլեկտրոնային անձնական հասցեն վարելը սովորողի ուսումնական աշխատանքն են։ Խրախուսվում են սովորողի անձնական ուսումնական բլոգի ստեղծումը և վարումը։ Ուսուցման երրորդ տարում ուսումնական բլոգ վարելը սովորողի ուսումնական աշխատանքն է:
Հեղինակային կրթական ծրագրի ուսումնական միջավայրը
Ուսուցումը կազմակերպվում է անվտանգ, հիգենիկ և լուսավոր միջավայրում, սովորողի մտավոր և ֆիզիկական զարգացման համար անհրաժեշտ պայմանների և միջոցների կիրառմամբ:
Կրթահամալիրի բոլոր շենքերը լուսավոր ու ընդարձակ ուսումնական տարածքներ են, հարմար՝ խաղալու, վազելու, հեծանիվ և ինքնագլոր վարելու, հանգստանալու, ուսումնասիրելու, հետազոտելու, ստեղծելու-ստեղծագործելու, նկարելու-լուսանկարելու, չափելու, համեմատելու, իրագործելու, փորձելու, իրականացնելու համար։ Բակ-պարտեզները կանաչապատ են՝ պտղատու ծառերով, խնամված խոտածածկ տարածքներով, անցանկապատ:
Կրտսեր դպրոցների ազատ ու անվտանգ միջավայրը, միջավայրային փոփոխությունները, բարելավումը, զարգացումը, կրթական ծրագիրը ապահովում են սովորողի անհատական կրթության իրավունքը, կրթության շարունակականությունն ու անընդհատությունը, սովորողի ինքնուրույնության, ինքնաբուխ գործունեության, հիգիենիկ հմտությունների, ստեղծականության զարգացումը:
Ուսումնական գործունեության միջավայրեր են՝
- ուսումնական կենտրոնները
- դասարան-լաբորատորիաները
- խաղողի-գինու դպրոցը
- քանդակի դպրոցը
- շախմատի դպրոցը
- ջերմոց-լաբորատորիան
- մարզական տարածքները
- խոհանոցը
- գրադարանը
- տեխնոլոգիական սրահները
- ուսումնական Ագարակը
- բակ-պարտեզները
- բաց ու փակ լողավազանները
- ընտանեկան դպրոցները։
Սովորողների ուսուցումը և զարգացումը հաճախ կազմակերպվում են նաև բացօթյա, հիգիենիկ միջավայրում, տաղավարային այլընտրանքային լուծումներով ուսումնական տարածքներում, որոնք ապահովում են անցումները գործունեության մի ձևից մյուսին, փոխակերպվող են, շարժական։
Դասարան-լաբորատորիաները աշխատանքային տարածքներ են՝ իրենց բաղկացուցիչ մասերով՝
- սեղան-աթոռներ
- սանհանգույց, լվացարան
- հանդերձարան
- մարզական տարածք (մարզագորգ)
- ընթերցարան
- խաղանկյուն
- ջերմոց
- երաժշտական անկյուն
- ֆիլմեր դիտելու անկյուն
- շախմատի անկյուն
- տեխնոլոգիայի անկյուն
Ծրագրի ղեկավարը
Դասարանի ծրագիրը ղեկավարում է դասվարը, որն ընդունվում է ըստ մանկավարժական աշխատողի ընդունելության կարգի։ Նա ունի օգնական։
Դասարանի ծրագրի ղեկավարը մասնակցում է սեմինարների, վերապատրաստումների, ունի անհատական բլոգ, որտեղ ամփոփվում են ուսումնական գործունեության արդյունքները։ Ուսումնական գործունեությունը կազմակերպվում է ըստ շաբաթական աշխատակարգերի: Ուսումնական տարվա մեկնարկին դասվարը կազմում է իր դասարանական օրացույցը՝ ըստ կրթահամալիրյան օրացույցի։ Ուսումնական տարվա ընթացքում, ըստ կարգի, դասվարը կազմակերպում է կլոր սեղաններ, համերգ-ներկայացումներ, ցուցահանդեսներ, ստուգատեսներ, ուսումնական ճամփորդություններ, ճամբարներ։
Ծրագրի ուսուցման բաղադրիչներ
Ծրագրի ուսուցումն իրականացվում է Հանրակրթության պետական չափորոշիչներին համապատասխան, հետևյալ առարկայական դասընթացներով՝
- Տեխնոլոգիա
- Մայրենի լեզու
- Շախմատ
- Մաթեմատիկա
- Ես և շրջակա աշխարհը
- Մարմնակրթություն
- Երաժշտություն
- Անգլերեն
- Ռուսերեն Ծրագրի ուսումնական գործունեության բաղադրիչ է նաև ընտրությամբ գործունեությունը։ Այն լրացուցիչ կրթություն է, որին սովորողը մասնակցում է իր ընտրությամբ։ Սովորողը տարեկան երկու անգամ կարող է մասնակցել ընտրությամբ գործունեության տարբեր ձևերին
- Բանավոր մաթեմատիկա
- Երգ
- Մարմնակրթություն
- Կերպարվեստ-տեխնոլոգիա
Ուսումնական օրացուցային նախագծերը
- Գիտելիքի օրը բարձունքին
- Ես և իմ տիեզերքը
- «Կոմիտասյան օրեր»
- Խնկոյանական օրեր
- Բարձունքի հաղթահարում. սեպտեմբերի 21
- Սեբաստացու օրեր. կրթահամալիրի տոն
- Թթուդրեք
- Լավաշթխիկ
- Ամանորյա նախագիծ
- Ձմեռային խաղեր Ջրվեժի անտառապարկում
- Բարեկենդանի ծես
- Տեառնընդառաջ
- Կարդում ենք Թումանյան
- Ուսումնական գարուն
- Սուրբ Հարության տոն. Զատիկ
- Ձոն
- Ռոդարի+Աղայան նախագիծ+խմբային աշխատանք
- Բարձունքի հաղթահարում. սեպտեմբերի 21, Բարձունքի հաղթահարում-մայիսի 28
Շուրջտարյա նախագծեր
Ճամփորդական նախագծերի ուղեցույց՝ Ճամփորդական նախագծերի մշակումներ
- Սովորող-սովորեցնող
- Ռադիո«Մոլորակ». շուրջտարյա նախագիծ
- Գեղարվեստը կրթահամալիրում
- Ուսումնական Ագարակ
- Կարդում ենք…
- Հարթակում ծնողն է․․․
- Շրջակա միջավայրի խնամք. երկրագործություն
- Ուսումնական ճամփորդություններ թատրոններ
- Ուսումնական ճամփորդություններ թանգարաններ
- Ուսումնական արտագնա ճամփորդություններ
Ստուգատեսներ և փառատոններ
- Աշնանային ամենամյան բաց հավաք
- Ազգագրության փառատոն
- Դիջիթեք
- Բնագիտատեխնիկական ստուգատես
- Մարզական ստուգատես
- Մայիսյան հավաք
- Ես կարողանում եմ
- «Ելք» ստուգատես
Ուսումնական ճամբարներ
Ձմեռային ճամբարի նախագիծ, աշխատակարգ
Եռօրյա ճամփորդություն դեպի Արատես
Հեղինակային նախագծեր
Ռադիո«Մոլորակ». շուրջտարյա նախագիծ
Բլոգուսուցում /սովորող-սովորեցնող/
Ուսումնական ռեսուրսներ, կայքեր/ լրացվող/
Ժամացույց
Գումարում հանում /ձկնորսություն/
Մաթեմատիկական մրցաշար
Տրամաբանական խնդիրներ
Տրամաբանական հարցեր
Տրամաբանական վարժություններ
Օնլայն խաղեր՝
Գորտիկն ու թվերը
Ուրախ մաթեմատիկա
Լուցկիներով խնդիր
Բազմապատկում
Տրամաբանական հարցեր
Արագ կողմնորոշում
Ճիշտ է, սխալ է բազմապատկում
Հեղինակային ուսումնական նյութեր
Ուսումնական նյութեր մաթեմատիկա առարկայից
Օգտագործվող այլ նյութեր
Մարիետ Սիմոնյան՝ Հայոց լեզու գիրք-տետր
Առանձնահատուկ կարողություններով սովորողների կրթական պահանջմունքներին բավարարող ուսումնական փաթեթներ
Լուսինե Փաշայան՝
Մաթեմատիկական առաջադրանքների փաթեթ
Ա․ Գյոնջյանի, Լ․ Գասպարյանի խմբագրած՝
Հեղինակային կրթական ծրագրի գնահատումը
Ուսումնական տարին կազմված է չորս շրջանից։ Երկրորդ և չորրորդ շրջանները կազմակերպվում են որպես ուսումնական-ստուգատեսային ճամբարներ։
Գնահատումն իրականացվում է ինքնաստուգումներով, սովորողի անհատական (գործունեության) զարգացման բնութագրով՝ տարին չորս անգամ՝
- Սեպտեմբեր-դեկտեմբեր
- Հունվար
- Փետրվար-մայիս
- Հունիս
Ըստ ուսումնական չորս շրջանների՝ րուրաքանչյուր սովորողի համար սահմանված կարգով լրացվում է զարգացման բնութագիր, որում ներկայացվում են սովորողի արժեքային համակարգը, նրա կողմից յուրացված գիտելիքների, կարողությունների, հմտությունների որակական բնութագիրը: Սովորողի ծնողը սահմանված կարգով մասնակցում է իր երեխայի բնութագրի, բլոգի վարման աշխատանքներին։ Երրորդ դասարանի վերջում կազմակերպվում է «Իմացումի հրճվանք» ծրագիրն ավարտող սովորողի ուսումնական կարողությունների ներկայացման ստուգատես։
«Իմացումի հրճվանք» հեղինակային կրթական ծրագրի եռամյա ուսուցման վերջնարդյունքներն են՝
- Ինքնասպասարկման, անվտանգության, առողջ ապրելակերպի ոլորտներին վերաբերող վերջնարդյունքներ։
- Խոսքի և հաղորդակցության ոլորտի զարգացման ու կրթության վերջնարդյունքներ։
- Բանավոր և գրավոր ուրախ օտար լեզուների ուսուցման վերջնարդյունքներ։
- Իմացական ոլորտի զարգացման ու կրթության վերջնարդյունքներ։
- Շարժողական ոլորտի զարգացման ու կրթության վերջնարդյունքներ։
- Այլ
Սովորողի զարգացման բնութագիր․1-ին դասարան
Սովորողի զարգացման բնութագիր․ 2-րդ դասարան
Սովորողի զարգացման բնութագիր․ 3-րդ դասարան
Հեղինակային կրթական ծրագրի տարածումը
«Մխիթար Սեբաստացի» կրթահամալիրում (այսուհետ՝ կրթահամալիր) հեղինակային մանկավարժության ծրագրով մշակված, փորձարկված դպրոց-պարտեզը՝ որպես կրտսեր դպրոցի մոդել, առաջարկում է ստեղծել հեղինակային ծրագրով աշխատող դպրոց-պարտեզների ցանց (այսուհետ՝ ցանց)՝ անկախ դրանց կազմակերպական-իրավական ձևից: Ցանցում ընդգրկված ուսումնական հաստատությունները կարող են ունենալ տարբեր կառուցվածքներ՝ 2-5 տարեկանների խմբերով նախադպրոցական հաստատություն, 5 տարեկանների ուսուցման խումբ ունեցող տարրական, հիմնական կամ միջնակարգ դպրոց, 5-6 տարեկանների ուսուցման խմբերով դպրոցական հաստատություն, կրթահամալիր, ուսումնական կենտրոն: Ցանցը դպրոց-պարտեզների, այդ թվում՝ նաև կրթահամալիրի կազմում գործող, ազատ ընկերակցություն է: Ցանցում ընդգրկվող հաստատությունում բոլորը, այդ թվում՝ աշխատողները, սովորողները, սովորողների ծնողները, ծանոթ են հեղինակային կրթական ծրագրով աշխատանքի սկզբունքներին, պատրաստ են ներդնելու իրենց հաստատությունում հեղինակային ծրագիր: Ցանցում ընդգրկվելը չի պահանջում հաստատության պատկանելության փոփոխություն:
Կրթահամալիրը՝
- Կազմակերպական-մանկավարժական օգնություն է ցուցաբերում ցանցում ընդգրկված հաստատությանը։
- Հաստատությանը էլեկտրոնային տարբերակով տրամադրում է անհրաժեշտ ուսումնական, մեթոդական նյութեր։
- Պարբերաբար կազմակերպում է ցանցում ընդգրկված ուսումնական հաստատությունների աշխատողների վերապատրաստում։
- Ցանցում ընդգրված հաստատությունում իրականացնում է դիտարկումներ։
- Տարեկան երկու անգամ կազմակերպում է ցանցում ընդգրկված հաստատությունների աշխատողների հավաք-ստուգատեսներ։
Ցանցում ընդգրված հաստատությունը՝
- ապահովում է իր աշխատակիցների՝ ծրագրին համապատասխան վերապատրաստումը,
- հաստատությունում պայմանները համապատասխանեցնում է ծրագրով ներկայացվող պահանջներին,
- համագործակցում է ցանցում ընդգրկված մյուս հաստատությունների հետ,
- ջանքեր է գործադրում ծրագիրը տարածելու և ցանցում այլ հաստատություններ ընդգրկելու ուղղությամբ։
Աշխատանք
- Դպրոց-պարտեզի նյութական, ֆիզիկական միջավայրին ներկայացվող պահանջերի ամբողջացում։
- Ուսումնական փաթեթների՝ ծրագրերի, նյութերի ամբողջացում:
- Դպրոց-պարտեզի ղեկավարին, մանկավարժական աշխատողներին ներկայացվող պահանջների ամբողջացում. ղեկավար, մանկավարժական աշխատողների ընտրություն։
- Դպրոց-պարտեզների ղեկավարների, դաստիարակների, դասվարների, երաժշտության, տեխնոլոգիայի դասավանդողների վերապատրաստում:
Ընդունելությունը
«Իմացումի հրճվանք» կրթական ծրագիրը եռամյա է։ Ծրագրով սովորելու համար կրտսեր դպրոց ընդունվել ցանկացողների ծնողները ծանոթանում են իրականացվող հեղինակային ծրագրին, կնքում են սահմանված պայմանագիրը դպրոց-պարտեզի ղեկավարի հետ: Սովորողների մասնակցությամբ կազմակերպվում են ամառային «Մուտք կրթահամալիր» ուսումնական ճամբարներ։ Ճամբարից հետո սովորողի ծնողի (օրինական ներկայացուցիչ) հետ կնքվում է եռամյա ուսումնառության պայմանագիր։
Յուրաքանչյուր տարվա ուսուցման և զարգացման արդյունքներով սովորողը տեղափոխվում է «Իմացումի հրճվանք» ծրագրի հաջորդ տարի։ Ծրագրված եռամյա ուսումնական գործունեության արդյունքում սովորողը սահմանած կարգով մասնակցում է 3-րդ դասարանի ավարտական «Ելք» ստուգատեսին և տեղափոխվում 4-րդ դասարան։ Ծրագրի ցանկացած փուլում այլ ուսումնական հաստատություն տեղափոխվելիս սովորողին տրվում է ուսումնառության գնահտաման տեղեկանք:
Իմ մշակած գնահատման տեղեկանքը՝
«Մուտք կրթահամալիր» ճամբար. ընդունելության կարգ
Ուսումնական պլան՝ 1-3-րդ դասարանների`
Փաստաթղթեր
Օգտվել եմ «Իմացումի հրճվանք» բլոգում տեղադրված ծրագրից։