Նախատեսվում է` ամսական 3 ռադիոթողարկում՝ առօրյա, գրական և տեղեկատվական թեմաների շուրջ: Ռադիոթողարկումները կլինեն հարցազրույցի, զրույց-պատումի, գրական ընթերցումների, ռադիոթատրոնների տեսքով:
Պատասխանատուներ՝ 3.1 դասարանի սովորողներ, ծնողներ, դասվար՝ Լուսինե Գասպարյան
Նպատակ՝
- բանավոր խոսքի զարգացում
- տեղեկատվական տեքստերի հետ աշխատելու հմտությունների զարգացում
- մեդիահմտությունների զարգացում
- ստեղծագործական մտքի, երևակայության զարգացում
- թվային գործիքները ուսումնական գործընթացում կիրառելու հմտությունների զարգացում
Խնդիրներ՝
- Ուսումնական ռադիոյի միջոցով զարգացնել սովորողների ազատ, անկաշկանդ և գրագետ խոսքը:
- Զարգանել այնպիսի մեդիահմտություններ, որոնց միջոցով սովորողները ինքնուրույն կկարողանան ուսումնական նյութեր ձայնագրել, խմբագրել նյութերը, հետագայում՝ հրապարակել իրենց բլոգներում:
- Սովորողների հետաքրքրությունների հիման վրա զարգացնել ինքնուրույն հետազոտական աշխատանք կատարելու հմտություններ և կարողություններ:
Ընթացք՝
Սովորողների հետ ընտրում ենք թողարկման թեման, յուրաքանչյուր սովորող պատասխանատու է լինում իր բաժնի համար: Մինչև ձայնագրման օրը սովորողը փնտրում, գտնում է թեմային հարմար տեքստ, աշխատում է տեքստի վրա. ընթերցում է, անծանոթ բառերն է առանձնացնում, սովորում է արտահայտիչ կարդալ/ աշխատանքի ընթացքին հետևում է ծնողը, ուսուցիչը, ուղղորդում է սովորողին՝ ընտրել այնպիսի տեքստ, որն իրեն մատչելի է/: Ձայնագրման օրը ուսուցիչը ձայնագրում է սովորողներին, խմբագրում, թողարկում է ձայնագրությունը: