Մասնակիցներ՝ 3-րդ դասարանի սովորողներ, ծնողներ
Ժամանակահատված՝ Փետրվար
Նախագծի նպատակը — Թումանյանական ստեղծագործությունների միջոցով զարգացնել սովորողների բանավոր և գրավոր խոսքը, վերլուծական, քննադատական մտածողությունը, ստեղծագործական երևակայությանը, անկաշկանդ արտահայտելու կարողությունը ։
Ընթերցանության նյութեր — «Ձախորդ Փանոսը», «Անխելք մարդը», «Խելոքն ու հիմարը», «Տերն ու ծառան»,«Բարեկենդանը», «Մի կաթիլ մեղրը», «Անբան Հուռին», «Քեֆ անողի քեֆը չի պակսիլ» …
Բանաստեղծություններ
«Ամենից լավ տունը », «Երեք խելոք մի հին տաշտով» և քառյակներ:
Գործողությունների ընթացքը՝
«Սովորող սովորեցնող» նախագծի շրջանակում, 3-րդ դասարանի սովորողները բերանացի կարդում են Թումանյան իրենց կրտսեր ընկերների համար։
- Նախակրթարան ՝ 2-4 տարեկաններ- Պոչատ աղվեսը
- 5-տարեկան՝ Անբան Հուռի
- 1-ին դասարան՝ Անխելք մարդը
Մայրենի +մեդիա+Տեխնոլոգիա ՝ Նյութերը ձեռք են բերում համացանցից, հանրագիտարաններից, էլեկտրոնային գրականությունից:
Խմբային աշխատանք՝ Սովորողները բաժանվում են խմբերի։ Ընթերցում են Թումանյանի ստեղծագործություններից մեկը։ Այդ ստեղծագործությունը բաժանում ենք հատվածների։ Ամեն խումբ paint ծրագրով նկարում է այդ հատվածը։ Հետո դերերով կարդում են։ Քննարկելիս մի խումը մեղադրում է բացասական հերոսներին, մյուսը ՝ փորձում է արդարացնել։ Սովորողները պետք է կարողանան հիմնավոր փաստարկներով համոզել հակառակորդ թիմերին, որ իրենք իրավացի են: Այնուհետև ամեն խումբ ձայնագրում է ստեղծագործության իրեն բաժին հասած հատվածը՝ կիրառելով նոր սովորած մոնտաժային ծրագիրը, փորձում է աուդիոգիրք պատրաստել: Այս մեթոդով ստեղծվում է թումանյանական ստեղծագործությունների աուդիոփաթեթ ։
Ընտանեկան նախագծեր՝ Թումանյան կարդում ենք ընտանիքում ՝ ներառելով ընտանիքի բոլոր անդամներին։ Ստեղծվում է թումնայանական ռադիոնյութերի փաթեթ։
Ռոդարիական հնարքների կիրառում ՝ Թումանյանի ստեղծագործություններից վերցնում ենք հատվածներ և այնպես դասավորում, որ ստացվի անսովոր, զարմանալի մի պատմություն կամ հեքիաթ:
- Ի՞նչ կլիներ, եթե …
- Ստեղծագործական երևակայություն.
- Հեքիաթների շիլափլավ․
- Շուռ տված հեքիաթներ․
- Իսկ հետո ի՞նչ եղավ․
Տրվում են բառեր, որոնցով պետք է պատմություն կամ հեքիաթ հորինեն: Բառերը վերցնում ենք հեքիաթներից. օրինակ «Անբան Հուռին» հեքիաթից վերցնում ենք 5 բառ և ևս 5 բառ «Անխելք մարդը» հեքիաթից, սկսում ենք մի նոր հեքիաթ հորինել:
Ամփոփում՝
Մխիթար Սեբաստացի կրթահամալիր 