Կրթահամալիրի տոն, Սեբաստացու օրեր, Թթուդրիկ
Մասնակիցներ- 2-րդ դասարանի սովորողներ, ծնողներ
Վայր- Հարավային դպրոց, ընտանիք
Ժամանակահատված- նոյեմբեր
Նպատակը՝
- Բանավոր խոսքի զարգացում
- Ստեղծագործական երևակայության զարգացում
- Հետազոտելու, ուսումնասիրելու կարողությունների զարգացում
- Մեդիահմտությունների զարգացում
- Տեխնոլոգիական աշխատանքներ կատարելու հմտությունների զարգացում
Ընթացքը՝ «Ես սեբաստացի եմ» -ամեն մեկը պատմում է, թե ինչպես է ընկալում այս արտահայտությունը. ի՞նցից է երևում «սեբաստացի» լինելը, ի՞նչով են տարբերվում սեբաստացի ուսուցիչներն ու սովորողները մյուսներից:
Թեմաներ`
- Ինչի՞ց է երևում, որ մենք սեբաստացի ենք:
- Ինչո՞ւ եմ սիրում կրթահամալիրը:
- Ի՞նչ գիտի իմ շրջապատը «Մխիթար Սեբաստացի» կրթահամալիրի մասին /հարցազրույց/:
- Ի՞նչ կպատմեն ծնողները կրթահամալիրի մասին
Տոնը ավանդաբար ուղեկցվում է Թթուդրիկի ծեսով, որը մեծ աշխուժություն է պարգևում սովորողներին: Կրթահամալիրյան շքեղ տոնախմբությանը մատուցվում է հարիսա, իսկ թթուն այդ տոնական սեղանի անբաժանելի մասն է կազմում: Հենց այդ տոնական թթուն էլ դնում են սովորողները: Այդ աշխատանքը նույնպես փուլերով է կատարվում:
Թթուդրիկը այն ծեսերից է , որտեղ կարելի է ներառել բոլոր առարկաները թե՛ մայրենի, թե՛ մաթեմատիկա,թե՛ բնագիտություն,թե՛ թատրոն, թե՛տեխնոլոգիա և օտար լեզու:
Մայրենի
Մայրենիի դասին սովորողները կհորինեն ամենատարբեր պատումներ՝ բանջարեղենի, տոնի, սեբաստացիների մասին: Պատումները կմուտքագրեն word ծրագրում, այնուհետև կհրապարակվեն դասարանական բլոգում:
Շրջակա աշխարհը՝ լրացուցիչ առաջադրանք/ ծնողի օգնությամբ/
Որպես տնային առաջադրանք, սովորողներին հանձնարարում եմ որևէ որոնողական ծրագրով փնտրել ,գտնել տեղեկություններ որևէ բանջարեղենի մասին/ որտեղ է աճում, որ եղանակին, ինչ օգտակար հատկություններ ունի և այլն/:
Հանձնարարում եմ նաև իրենց մայրիկներից, տատիկներից, հարևանուհիներից հարցնեն թթու դնելու բաղադրատոմսեր, ձայնագրեն կամ նկարահանեն խոսողին, որպեսզի հետո տեսաֆիլմեր պատրաստենք: Եթե տանը թթու են դնում տեսանկարահանել այդ գործընթացը:
Մաթեմատիկա
Բանջարեղենի համար պայմանական արժեքներ ենք որոշում, հորինում ենք խնդիրներ և լուծում: Գնում ենք գնումների, փորձում հաշվել 1 և ավել կիլոգրամ բանջարեղենի գները, վճարումներ կատարում:
Բնագիտություն
Գտնում և դիտում ենք ֆիլմեր բանջարեղենի մասին. Օրինակ՝ որտե՞ղ է աճում գազարը, հողի տակ, թե՞ վրա, ինչպե՞ս են ցանում, խնամում, ջրում և այն…
Թթուն դնելու ընթացքում կատարում ենք փորձեր.
Աղաջրով և ձվով, աղաջրով և ներկանյութով:
Տեխնոլոգիա
Ծեփամածիկով, կավով ստեղծում ենք տարբեր բանջարեղենային կերպարներ: Գունավոր թղթերով ապլիկացիաներ են անում:
Այս աշխատանքների շնորհիվ սովորողի մոտ զարգանում է ազատ խոսքը, երևակայությունը, ինքնաարտահայտվելու կարողությունները, մոտորիկան:
Ամփոփում՝
Սովորողների աշխատանքները՝
Պատրաստվում ենք ցուցահանդես վաճառքի՝
Ռոբերտ Մկրտչյան՝ Պատրաստվում եմ ցուցահանդես-վաճառքին
Մարիաննա Հարությունյան՝ Պատրաստվում եմ ցուցահանդես-վաճառքի
Էդիսոն Թումանյան՝ Պատրաստվում ենք աշնանային ցուցահանդեսին
Աելիտա Բալայան՝ Պատրաստում եմ մոմակալ և էջանշաններ
Արմեն Ստեփանյան՝ Պատրաստում եմ թղթե կենդանիներ
Վիկտորյա Դալլաքյան՝ Պատրաստում եմ ծաղկաման
Ռենե Աղաբաբյան՝ Տեխնոլոգիական աշխատանք
Մանե Գրիգորյան՝ Պատրաստում ենք ծիտիկի բույն
«Մոլորակ» ռադիոյի 8-րդ եթերի սկզբում սովորողները պատմում են մեր կրթահամալիրի տոնի, կատարվելիք աշխատանքների մասին․թթուդրիկի, լավաշթխիկի, ցուցահանդեսի-վաճառքի, համերգի մասին՝
«Մոլորակ» ռադիոյի 9-րդ եթերում մեծ ու փոքր սեբաստացիներն են՝
Լիսիցյանական օրեր՝
Հարիսայի ծես, ցուցահանդես- վաճառք
<a href="http://<iframe src="https://www.facebook.com/plugins/post.php?href=https%3A%2F%2Fwww.facebook.com%2Fpermalink.php%3Fstory_fbid%3Dpfbid02iUdHghpNv4uSiLu2mxSnhkeW6EQXQpbuZePURqWn8cPhNdXqikvDSbko86wcQAkVl%26id%3D100006427156969&show_text=true&width=500" width="500" height="0" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share">Ֆբ հրապարակումներ
Մխիթար Սեբաստացի կրթահամալիր 