2-րդ դասարան
Նպատակը՝ Սովորողների ինքնաճանաչման միջոցով նպաստել միջավայրի ադապտացմանը (յուրացմանը), անհրաժեշտ փոխհարաբերությունների (սովորող-սովորողներ, սովորող-ուսուցիչ) հաստատմանը՝ զարգացնելով սովորողների ինքնուրույնությունն ու ինքնասպասարկման հմտությունները: Ինչպես նաև, սովորողների ընտանիքներին ներգրավելով ուսումնական աշխատանքներում՝ դարձնել կրթական ծրագրի պատասխանատու:
Խնդիրները`
- Բանավոր խոսքի զարգացում (սովորողի ինքնարտահայտման պահանջմունքի բավարարում).
- Մեդիահմտությունների կիրառում և զարգացում.
- Ընթերցելու որակական հատկանիշների բարելավում (կարդացածը հասկանալ).
- Տեխնոլոգիական հմտությունների զարգացում.
- Հաղորդակցական հմտությունների զարգացում.
- Համագործակցային հմտությունների զարգացում.
- Ստեղծագործական երևակայության զարգացում.
Տևողությունը՝ Սեպտեմբերի 2-ից 15-ը :
Միջավայրը՝ դասասենյակ, բակ-պարտեզ, մարմնամարզական դահլիճ, տուն (ընտանիք), մեդիատիրույթ (բլոգ, ենթակայք, կայք):
Անհրաժեշտ գործիքները՝ անհատական նեթբուք-նոթբուք, ձայնագրիչ, տեսախցիկ, համակարգչային ծրագրեր (Paint, MS Word, MS Power Point, AVS…), թղթեր (գունավոր, տարբեր հաստության ու չափի), գուաշ, ջրաներկ, վրձին, կավ, պլաստիլին:
Ուսումնական գրականության, այլ ռեսուրսների ցանկ
- Սովորողների ինքնապատումներ
- Աթաբեկ Խնկոյան «Ես»
- Աթաբեկ Խնկոյան «Խխունջն ու սունկը»
երաժշտական (պարային) ստեղծագործությունների ցանկ
- Կրթահամալիրի հիմն՝
- Անդաստան
- «Արևաշարք»
- «Ձիուկ»
- «Այբ, բեն, գիմ»
- Հայր մեր
- «Կոտ ու կես»
- «Հոյ Նազան»
- «Կաքավի գովքը»
- «Գնացեք տեսեք»
- «Լորիկ»
- «Վեր, հա վեր-վեր»
- 1-2_րդ դասարանների պարերգեր
- Կոմիտասյան երգերի ունկնդրում
Այլ (ուսումնական ֆիլմ, մուլտֆիլմ, տեսանյութ, տեսադաս…)
Հիմնական թեմաները՝
- Ես
- Իմ խաղալիքը (տիկնիկը…)
- Իմ ընտանիքը
- Իմ անունը
- Իմ բակը, քաղաքը (գյուղը), երկիրը
Ուսումնական գործունեության ոլորտները՝
Մայրենի լեզու
- Պատմում է (գրավոր) իր, իր ընտանիքի մասին՝ հաղորդելով կոնկրետ տվյալներ:
- Մի քանի բառով նկարագրում ու բնութագրում է իրեն ու մյուսներին:
- Հատուկ անունները գրում է մեծատառով: Նախադասությունը սկսում է մեծատառով ու ավարտում է վերջակետով:
- Կարդում ու հասկանում է պատմությունը:
- Հարցերի միջոցով անհրաժեշտ ինֆորմացիա հավաքել տվյալ թեմայի վերաբերյալ:
- Գրական ստեղծագործությունների ընթերցում, քննարկում:
ՏՀՏ
- Աշխատում է paint ծրագրով (նկարում է իրեն):
- Աշխատում է word ծրագրով (պատմում է իր մասին):
Կերպարվեստ, տեխնոլոգիա
- Ստեղծում է ինքնանկար (ջրաներկով, գուաշով):
Նախագծի արդյունքում՝
Բոլոր աշխատանքները հրապարակվում են բլոգում:
Սովորողները պատմում են իրենց քաղաքի, գյուղի, բակի մասին: Սովորողներից մի քանիսը պատումները ներկայացրել են տեսանյութի տեսքով, մյուսները մուտքագրել են word ծրագրում և իրենց պատումը նկարել են paint նկարչական ծրագրով:
Մխիթար Սեբաստացի կրթահամալիր 