Ձմեռային ուսումնական ճամբարի ընթացքում մեկնում ենք «Ջրվեժ» անտառապարկ:
Օրը՝ հունվարի 21, ժամը՝ 10.00 — 13:00
Մասնակիցներ` Հարավային դպրոցի 1-ին դասարանի սովորողներ
Նպատակը՝ Մարզական ստուգատեսի շրջանակում ձմեռային մարզական խաղերի հետ ծանոթացում, սահնակներով, դահուկներով սահք:
Խնդիրները՝
- ճամփորդական կանոնների պահպանում ու կիրառում.
- ճամփորդական քարտեզից օգտվելու կարողություն.
- հիգիենայի կանոնների պահպանում, շրջակա տարածքի մաքրում.
- սահնակից օգտվելու հմտությունների յուրացում և կիրառում.
- թվային գործիքներից օգտվելու հմտությունների զարգացում.
- բանավոր խոսքի զարգացում.
- դիտարկելու, համեմատություններ անելու հմտությունների զարգացում.
- ստեղծագործական մտքի զարգացում․
- համագործակցային հմտությունների զարգացում․
Ճամփորդության նկարագրություն
Նախապատրաստական փուլ. Սովորողների հետ անդրադառնում ենք ճամփորդական կանոններին, խմբերով կազմում են ճամփորդական կանոններ, այնուհետև ուսումնասիրում ենք քարտեզը, գտնում ենք «Ջրվեժ» անտառապարկը: Դրանից հետո զրուցում ենք ձմռան, ձյան, ձմեռային խաղերի մասին:
Ճամփորդության ընթացքը.
Սովորողները հետևում են, թե որքան ժամանակում Երևանից հասանք «Ջրվեժ» անտառապարկ, դիտարկում են եղանակային տարբերություններն ու նմանությունները:
Նախագծի ընթացքը՝
- Քայլարշավ
- Ձմեռային խաղեր (ձնագնդի, ձնեմարդի պատրաստում)
- Ձնանկարչություն, ձնային ուսումնասիրություններ
- Սահնակներով, դահուկներով սահք
Ամփոփում.
Հրապարակում ենք պատումներ՝ դիտարկելով քաղաքի ու անտառի ձմեռային նմանություններն ու տարբերությունները: Հրապարակում ենք ֆոտոշարքեր, ռադիոհաղորդում, սովորողների ճամփորդական պատումներ:
Ճամփորդության մասնակցին անհրաժեշտ իրեր՝
- Հարմար ուսապարկ, հագուստ (գլխարկ, ձեռնոց, չթրջվող տաբատ, լրացուցիչ հագուստ՝ գուլպա, շապիկ, տաբատ, սրբիչ)
- Անհատական թվային միջոցներ՝ ֆոտոխցիկ, հեռախոս
- ձեռնոցներ, աղբի տոպրակ
- թաց ու չոր անձեռոցիկ
- անհատական բուժարկղիկ
- բրդուճներ, մրգեր, ջուր, ջրաման /թերմոս/, տաք ըմպելիք/թեյ/
Ամփոփում՝
Մխիթար Սեբաստացի կրթահամալիր 