Ապրիլի 26
Մեկ օրվա նախագիծ
Նախօրոք կարդում, քննարկում ենք Ղ. Աղայանի «Ամենաուժեղը» հեքիաթը:
Արտթերապիա՝ «Ամենաուժեղը» նկարում ենք աղանկարչություն միջոցով: Նկարում ենք նաև paint նկարչական ծրագրով:
Նախագծի նպատակը՝
զարգացնել սովորողների ինքնուրույնությունը, ինքնաարտահայտվելու կարողությունը, բանավոր խոսքը, մանր մոտորիկան, երաժշտություն ունկնդրելու կարողությունը, երաժշտությանը զուգահեռ աշխատելու կարողությունը, մեդիահմտությունները: Մաքուր և կոկիկ աշխատելու հմտությունները, կոլեկտիվ աշխատելու կարողությունը:
Նախագծի ընթացքը՝ նախապես դասավանդողը միացնում է դասական երաժշտություն, սովորողները բաժանվում են խմբերի, տեղավորվում են սեղանների շուրջ:
Յուրաքանչյուր սովորողի դիմաց լցվում է որոշակի քանակության աղ: Տրվում է հրահանգ՝ «Նկարի՛ր կարդացածդ հեքիաթը, ինքդ նոր ավարտ հորինիր, նոր կերպարներ ավելացրու»:
Մյուս խմբի սովորողները նկարում են հեքիաթը հատվածաբար՝ paint ծրագրով, մուտքագրում են տվյալ հատվածը նկարի վրա:
Աղով նկարող սովորողները ձեռքերով, մատներով փռում են աղը իրենց դիմաց և սկսում են նկարել մատով:
Վերջացնելուն պես, յուրաքանչյուրը բանավոր նկարագրում է իր նկարը և պատմում է հեքիաթի իր հորինած նոր ավարտը:
Աշխատանքը վրջցնելուց հետո խմբերը փոխվում են տեղերով:
Նախագծի արդյունքում՝ ստացված պատկերները լուսանկարում ենք, ֆոտոպատումի ձևով թողարկում բլոգում, ենթակայքում, սոց. ցանցերում: Աշխատանքի ընթացքում սովորողների պատումները ձայնագրում եմ, պատրաստում ուսումնական նյութ, ռադիոպատում:
Ընթացքը նկարահանելու, թողարկելու ենք ֆբ. ուղիղ եթերով:
Մխիթար Սեբաստացի կրթահամալիր 