Ապրիլի 5
Ժամը՝ 11:00-12:30
Մասնակցիներ՝ առաջին դասարանի սովորողներ
Նպատակ՝
- ճանաչում ենք մեր շրջապատը
- զբոսանք մաքուր օդում
- էկո-աշխատանքներ
- միասին պատրաստվելու և նպատակին հասնելու կարողությունների ձևավորում
- կարդում ենք միասին
Ընթացքը՝
Ապրիլի 5` Ճանաչողական զբոսանք այն թաղամասում, որտեղ գտնվում է մեր դպրոցը: Հարավային դպրոցից, Աղայանի բանաստեղծությունները կարդալով, հասնում ենք մինչև երկաթգծեր: Ճանապարհին կատարում ենք էկոլոգիական աշխատանքներ/ մաքրում ենք մեր շրջապատը/: Ծանոթանում ենք թաղամասին, շենքերին, բակերին, բնակիչներին: Հաշվում, թե քանի խաղահրապարակ, ցայտաղբյուր և մանկապարտեզ կա թաղամասում: Կարդում ենք ճանապարհին հանդիպած ցուցանակների գրությունները:
Հանգստանում ենք փոքր բլրակի վրա: Մեզ հետ վերցնելու ենք նաև մեր նախաճաշը, նախաճաշելու ենք բլրի վրա: Նախաճաշից հետո բլրի վրայից նայում ենք Մասիս սարին, փորձում կողմնորոշվել, թե աշխարհագրական, որ դիրքում ենք գտնվում: Իջնում ենք մինչև երկաթգծեր, ծանոթանում այն տարածքին, որն այժմ մաքրվում է ավտոմեքենաներից և հետագայում դառնալու է խաղողի այգի: Նկարում ենք այդ տարածքը՝ հետագայում համեմատելու համար: Նույն ճանապարհով վերադառնում ենք դպրոցև քննարկում մեր զբոսանքը, տպավորությունները:
Արդյունք՝ կունենաք ֆոտոպատում, տեսանյութ մեր բլոգում, ենթակայքում և միասին ապրած, վայելած ևս մեկ ժամ:
Ամփոփում՝ Ճանաչողական զբոսանք
Մխիթար Սեբաստացի կրթահամալիր 