Շաբաթվա նախագիծ՝ «Կարդում ենք Թումանյան» նախագիծ»
Շաբաթվա ընթերցանության նյութեր՝ Հ. Թումանյանի «Ծիտը» հեքիաթը, դիտում ենք աուդիոտարբերակը: Բանաստեղծություններ՝ «Լուսաբացին», «Ծիտը»:
ԼՈՒՍԱԲԱՑԻՆ
— Ծուղրուղո՜ւ.
Աքլորը զիլ կանչեց թառին.
— Ճի՛կ-ճի՛կ, ճի՛կ-ճի՛կ,
Զարթնեց մթնում ծիտը ծառին։
Ծուղրուղո՜ւ.
Խոսեց ծեգին երկրորդ բերան.
— Հո-հո՜, հո-հո՜,
Նախիրն արդեն հանդը տարան։
— Ծուղրուղո՜ւ.
Լույսը բացվեց երրորդ կանչին.
— Վո՛ւյ-վո՛ւյ-վո՛ւյ-վո՛ւյ,
Նստեց նանը տեղի միջին։
ԾԻՏԸ
Հուռին գնաց բանջարի,
Բանջար չեղավ՝ խոտ եղավ,
Խոտի տակին ծիտ եղավ,
Ծըլվըլալեն դուրս թռավ։
Ծիտը թռավ գերանին,
Կանաչ խոտը բերանին։
Հեգում, վանկատում ենք ստեղծագործությունների բառերը:
Հեքիաթի համար նոր սկիզբ, ավարտ, վերնագիր ենք հորինում:
Ստեղծագործությունների բառերով նախադասություններ ենք կազմում:
Շաբաթվա բառեր՝ արև. բարև: Աշխատում ենք «Բառուսուցում» գրքով:
Ես և շրջակա աշխարհ՝ փոքրիկ տեղեկություն ճնճղուկների մասին:ճնճղուկ
Մաթեմատիկա- բանավոր համրանք` հաշվում ենք 1ից մինչև 100-ը՝ առաջ և ետ
(2-ական, 3-ական, 4-ական, 5-ական, 10-ական):
Խաղի միջոցով տարբերակում ենք միանիշ և երկնիշ թվերը:
20-ի սահմանում կատարում ենք գումարում և հանում` առանց կարգային անցումի:
Հորինում և լուծում ենք պարզագույն խնդիրներ (բանավոր):
Մարմնակրթություն՝ մարզվում ենք, լողում, հեծանիվ վարում:
Երգ՝ Սովորում ենք զատկական երգեր:
Շախմատ- Շախմատ ենք խաղում:
Մարմնակրթություն՝ լող, հեծանիվ, մարմնամարզություն:
Տեխնոլոգիա-կերպարվեստ՝ նկարում ենք «Ծիտը» հեքիաթը գուաշով և paint ծրագրով:
Բանավոր մաթեմատիկա՝ լուծում ենք խնդիրներ՝
1.Մանեն 3 սրբիչ փռելու համար 4 ամրակ օգտագործեց (տես նկարը): Քանի՞ ամրակ է անհրաժեշտ ինը սրբիչը նույն ձևով փռելու համար:
- Արամը 3-ներով (3, 6, 9…) հաշվեց մինչև 36-ը, իսկ Գեղամը՝ 4-երով: Ո՞ր թվերը երկուսի մոտ էլ կան:
- Դավիթը գրում է 1-ից մինչև 100 թվերը։ Նա 5 թվանշանը չի ճանաչում և բաց է թողում բոլոր այն թվերը, որոնցում կա 5 թիվը։ Որքա՞ն թիվ նա կգրի։
- 13 հոգի պահմտոցի էին խաղում, նրանցից մեկը փակողն է : Նա կարողացավ գտնել 9 հոգու: Դեռ քանի՞ հոգու նա պետք է գտներ:
- Գտեք օրինաչափությունը և հարցական նշանի փոխարեն գրեք ճիշտ թիվը:
7 | 15 | 8 |
4 | 13 | 9 |
5 | ? | 14 |
Անգլերեն`Լիլիթ Խալաթյան
Ռուսերեն` Մարիամ Քալանթարյան
Երգ` Մարիամ Մնացականյան
Ընդմիջում՝ 11:00-11:30
Երկուշաբթի
մաթեմ. |
մարմնակրթ. |
մայրենի,/ռուս. |
շրջակա |
անգլ,/մայրենի |
Երեքշաբթի
մայրենի |
մաթեմ |
անգլ/ռուս. |
շախմատ |
տեխնոլոգ |
Չորեքշաբթի
մայրենի |
երաժշտ./Մ/ |
շրջակա |
ռուս./մաթեմ. |
մաթեմ |
Հինգշաբթի
անգլ./մայրենի |
մարմնամարզ./լող/ |
մարմնամարզ./լող/ |
մայրենի |
ընտրովի |
Ուրբաթ
մարմնակրթ. |
մայրենի/ռուս. |
երաժշտ. |
մաթեմ/անգլ |
ընտրովի |